Menningardagur á Akureyri: Rölt um Lystigarðinn og Listasafnið

Sólríkur og kyrrlátur haustdagur í september. Lauftrén komin í haustlitina og fuglarnir syngja hátt og snjallt, hífaðir af reyniberjunum. Þessi dagur var fullkominn fyrir göngutúr með kærri vinkonu um Lystigarðinn á Akureyri. Hlusta á fuglasönginn, dást að fallegu plöntunum sem prýða garðinn og fá sér svo heitt súkkulaði á fallega kaffihúsinu.

Í Lystigarðinum má finna fullt af fallegum og litskrúðugum fjölæringum eins og fjólubláan alpasveipþyrni.

Haustlitir og fallegur arkitektúr.

Gróðursæll ævintýraheimur!

Eftir góðan göngutúr í gróðursælu og kyrrlátu umhverfinu var svo tilvalið að gerast enn menningarlegri og kíkja á sýningarnar á Listasafni Akureyrar. Á listasafninu var ótrúlega skemmtileg innsetning eftir listakonuna Shoplifter sem nefnist Faðmur. Risastórir og litríkir skúlptúrar úr gervihárum hengu í loftinu og eins og nafn sýningarinnar gefur til kynna þá langaði manni helst að faðma verkin.

Gluggarnir ramma inn útsýnið eins og listaverk!

Mjög freistandi að faðma þetta listaverk!

Góð uppskrift af menningardegi á Akureyri sem hæfir öllum, mæli með!

Bestu,
Anna

| Fylgstu með á instagram @okkarheima