Spegill spegill! Innblástur af 10 drauma speglum

Á flestum heimilum eru speglar til dæmis inn á baðherbergi. Speglar eru góð viðbót við hvaða rými sem er enda stækka þeir rýmin og gefa aukna dýpt. Til eru ýmis form og útlit á speglum og fer það eftir smekk manna hvernig speglar eiga heima hjá hverjum og einum. Lífrænar eða geometrískar línur, þykkir rammar, litaðir speglar - allt er mögulegt. Sjálf hrífst ég af einföldum speglum og er til dæmis með einn stóran hringlaga inní stofu sem stækkar rýmið heilmikið. Ég er með ljósborða fyrir aftan spegilinn sem setur fallega stemmingu. Speglar eiga heima hvar sem er á heimilum- í stofunni, svefnherberginu, andyrinu, eldhúsinu osfrv. Hér skulum við fá smá innblástur af 10 drauma speglum.

Ótrúlega fallegur spegill frá Ferm Living. Lífrænar línur sem líkjast útlínum tjarnar - enda heitir spegillinn Pond Mirror. Til hægri er svo dæmi um einfaldan spegil - háan og mjóan - sem gæti látið hvaða rými sem er virka hærra.

Stór spegill sem nær yfir heilan vegg dýpkar rými og gefur lúxus yfirbragð. Spegillinn til hægri hefur sérstakt og einkennandi útlit og myndi sóma sér sem listaverk í stofu. Sófinn er líka algjör draumur!

Það er bara eitthvað stórkostlegt við risastóra hringlaga spegla. Formið gleður augað og spegillinn verður miðpunktur rýmisins. Hægt er að láta sérsmíða spegla í ýmsum formum og litum og spennandi væri að vera reyklitaðan eða svartan hringlaga spegil.

Litaðir speglar! Spennandi og öðruvísi - sannkallað listaverk.

Mig dreymir um hálfkúlulagan spegil líkt og öryggisspeglar sem maður sér oft í búðum! Það er bara eitthvað svo ótrúlega töff við þá!

Myndir: Pinterest

Bestu,
Anna

| Fylgstu með á instagram @okkarheima